Молитвы Царю Николаю Второму и о спасении России
Тропарь Царственным мученикам (предложила Ира)
File Attachment:
File Name:
File Size: 0 KB
Глас 7
Ангели земли Российския, и воскресения ея путеводителие, Царю Николае и Царице Александро, начавшемуся богоотступлению, Державою благоверне правившии, и юныя Великия Княжны - Ольга, Татьяна, Мария и Анастасия, в трудех и милосердии добре подвизавшияся, и Царевичу- страдальче Алексие, - Царственнии великомученици, яко агнцы незлобивии от безбожных губителей Руси, мучимии и закланнии, ныне же царство вечное приимшии, молитеся Небесному Царю Царей, о Державе сродников ваших, просветитися ей верою отцев, и покаянием паки возродитися.
Молитва о спасении и сохранении земли русской (предложила Галина):
File Attachment:
File Name:
File Size: 0 KB
Господи Исусе Христе, сыне Божий, молитв ради святых царственных мучеников царя Николая, царицы Александры, царевича Алексея, царевен Ольги, Татьяны, Марии, Анастасии спаси и сохрани землю русскую и помилуй наш грешных!
Молитва о спасении России (предложила Светлана Н.)
Господи Исусе Христе,Сыне Божий,молитвами Пречистыя Твоея Матере,Святаго Великомученика и искупителя Царя Николая и Всех Царственных Мучеников и Новомученников,в земли Российстей просиявших,продли нам недостойным время на покаяние,соедини нас воедино стадо Твое всесильною десницею Твоею, не лиши нас пастырского попечения и причастия Святых Твоих Даров,и, благодатию Твоею,разори жертву беззаконную на земли Российстей,бесовом приносимую, избави нас от сатанинского плена,от злохитраго обольщения и печати беззаконного антихриста,спаси Святую землю Русскую,воздвигни нам Престол Православных Царей и Державного защитника-Царя Православного,Помазанника Твоего и спаси души наша. Аминь.
Исповедательная молитва Святому Царю-Искупитѣлю Ніколаю Александровичу
File Attachment:
File Name:
File Size: 0 KB
О преди́вный Уго́дниче Хрiсто́въ, Бо́гомъ да́нный, Бо́гомъ избра́нный, Бо́гомъ води́мый, Cвяты́й Царю́-Искупи́тѣлю Нiко́лаѣ; о тебѣ́ же рече́ Госпо́дь свидѣ́тельствовавъ: обрѣто́хъ Дави́да, му́жа по Се́рдцу Моему́, и́же сотвори́тъ вся́ Хотѣнiя Моя́.
О неусы́пный Ревни́телю Хрiстiа́нскаго Благоче́стiя, добропобѣ́дный Защи́тниче и Покрови́телю Хрiсто́вы Це́ркви, Великодержа́вный Оте́цъ Оте́чества на́шего! Ты́ на Ца́рство Ру́сское Бо́жиiмъ изволе́нiемъ, а не мяте́жнымъ человѣ́ческимъ хотѣ́нiемъ взоше́лъ еси́ и Хрiсту́ Царю́, я́ко Уде́рживающiй та́йну безза́конiя послужи́лъ еси́; наипа́че Спаси́тѣлю на́шѣму, Го́споду Iсу́су Хрiсту́ во искупи́тѣльномъ по́двигѣ уподо́бился еси́. Креста́ своего́ не отве́рглъ, и смиренiе свидѣ́тельствоваше, ре́кше: а́ще Бо́гу потре́бна искупи́тѣльная же́ртва за грѣ́хъ моего́ Наро́да, для́ спасе́нiя Россí́и, а́зъ бу́ду е́ю, да сверши́тся Во́ля Бо́жiя.
О Святы́й Царю́ искупи́тѣлю Нiкола́е, ты́ не то́кмо глаго́лалъ, но вся́ благопотре́бныя по́двиги для спасе́нiя Россíи сла́вно поне́слъ: Наро́дъ сво́й Безкро́вной Же́ртвѣ подо́бно на Екатеринбургской Голго́фе кро́вiю Ца́рскою искупи́лъ еси́ и тѣ́мъ го́рькую ча́щу отлученiя отъ Пресвяты́я Тро́ицы въ се́мъ и въ бу́дущѣмъ вѣ́цѣ: вѣ́чныхъ муче́нiй и истребле́нiя съ лица́ земли́, отъ Наро́да клятвопресту́пнаго отврати́лъ, и наипа́че гряду́щее воскресе́нiе Свято́й Руси́ свои́мъ Хрiстоподо́бнымъ по́двигомъ соде́лалъ еси́.
Яко Ца́рь Царе́й грѣхи́ всѣ́хъ человѣ́къ, на Голго́фскiй Кре́стъ возне́слъ и Свое́ю Честно́ю Кро́вiю омы́лъ, та́ко и ты́ для спасе́нiя Россíи во о́бразъ Искупи́тѣльной Же́ртвы Хрiста́ Царя́, грѣ́хъ измѣ́ны Наро́да Ру́сскаго на Екатеринбу́ргской Голго́фе кро́вiю ца́рскою омы́лъ, и я́ко Госпо́дь Свои́ми Крестными Страда́нiями и Безгрѣ́шной Сме́ртiю все́го Ада́ма отъ прокля́тiя, а́да и вѣ́чной сме́рти спа́слъ еси́, та́ко и ты́ Святы́й Царю́ искупи́телю Нiко́лае свято́ю сме́ртiю свое́ю и кро́вiю для спасе́нiя Россiи про́литою, отъ стра́шнаго прокля́тiя въ сѣ́мъ и въ бу́дущѣмъ вѣ́цѣ, отлуче́нiя отъ Пресвяты́я Трои́цы, иу́дъ но́выхъ, Бо́гу да́нный Благочести́вый Собо́рный Обѣ́тъ преступи́вшихъ и до ны́нѣ преступа́ющихъ, спа́слъ еси́ и всему́ Наро́ду Ру́сскому прощеніе грѣха́ сего́ у Хрiста́ Царя́ испроси́лъ еси́.
И я́ко Госпо́дь, попра́вши си́лу дiа́волю, тридне́венъ воскре́слъ, та́ко и ра́ди кре́стной искупи́тѣльной жѣ́ртвы твое́й Ру́сь Святу́ю отъ Собо́рныя сме́рти воскреси́тъ и Царя́ победи́теля на Свято́мъ Престо́ле па́че утверди́ть, да просла́вится у́бо во Свято́й Руси́ Всесвято́е Имя Го́спода Бо́га на́шего, въ Тро́ицѣ Еди́наго, Сла́вимаго и Поклоня́емаго: Отца́, и Сы́на, и Свята́го Ду́ха, Его́же е́сть Ца́рствіе, и Си́ла, и Сла́ва, Че́сть и Поклоне́ніе, ны́нѣ, и при́сно, и в вѣ́к вѣко́мъ. Ами́нь.
Молитва ко Святому Царю Искупителю Николаю (предложила Наталья Вл.):
О, святый Искупителе Царю Мучениче Николае, ты еси отец чадолюбивый народа твоего, всепрощающее и милостивое сердце от нас, многогрешных, не отвративый, любовию Христовою нас покрывый до последния капли царственныя твоея крове. Предстательством твоим перед Господом сохраняеми еси даже доныне. Вемы, яко слышиши нас в скорбех наших и болезнех, и ходатайством твоим услышит нас и Царь Небесный и подаст прощение множества грехов наших.
О молитвенниче о державе Российстей, ты еси воистину ея и верным слугам ея образ чести. Испроси у Господа мужам, отцам и чадам нашим чести обновления и в трудех повседневных мужества и благодушнаго терпения, народу православному - в вере стояние и всем нам чистоту душевную. Кротостию Христовою твоею обрати ожесточенные сердца наша, чадам нашим и чаду моему, в страстях погрязшим и слепотою духовною недугующим, исходатайствуй избавление от растлевающих зол: винопития, наркомании, азартных увлечений и всякого разврата душевного и телеснаго, да в уме и совести отрезвятся благодатию свыше. Помози нам (имя рек), о, дивный Царю Мучениче наш святый Николае, да очистится от грехов род наш и сохранится в богоугодном житии до второго пришествия Спасителя нашего Иисуса Христа, Ему же слава, честь и поклонение, всегда ныне и присно и в ве́к ве́ком. Аминь.
Молитва за грядущего Царя (предложила Надежда):
Спаси Господи и помилуй грядущего Государя Императора Царя России, Его же имя Ты Господи веси, и покори под нозе его всякого врага и супостата и глаголи в сердце его мирная Твоя и премирная благая, о Церкви Твоей Святей и о всех людях Твоих, да и мы в тишине их тихое и безмолвное житие проживем в правоверии во всяком благочестии и чистоте. Aминь