Совсем недавно попробовала прочитать Киевскую псалтирь от 1340 года псалом 50 и сравнить с вариантом от 1640 года. Приходит понимание, что правили их и правили...
Старообрядческая 50 псалом -1640
Помилуй мя, Боже, по вели́цѣй милости Твоей.И по множеству щедро́тъ Твоихъ, очисти беззаконіе мое. Наипаче омый мя отъ беззаконія моего, и отъ грѣха моего очисти мя. Яко беззаконіе мое азъ знаю, и грѣх мой предо мною есть выну. Тебѣ Единому согрѣши́хъ, и лукавое предъ Тобою сотвори́хъ. Яко да оправди́шися въ словесѣ́х Своихъ, и побѣди́ши внегда суди́ти. Се бо въ беззако́ніихъ зача́тъ есмь, и во грѣ́сѣ́хъ роди мя мати моя. Се бо истину возлюбилъ еси, безвѣстная и тайная премудрости Твоея́ явилъ ми еси. Окропи́ши мя иссо́помъ и очи́щуся, омыеши мя, и паче снѣга убѣлюся. Слуху моему да́си радость и веселіе, возра́дуются кости смире́нныя. Отврати́ лице Твое отъ грѣхъ моих, и вся беззаконія моя очисти. Сердце чисто сози́жди во мнѣ Боже, и духъ правъ обнови́ во утробѣ моей. Не отверзи мене отъ лица Твоего и Духа Твоего Святаго не отими́ от мене. Возда́ждь ми радость спасенія Твоего, и Духомъ Влады́чнымъ утверди́ мя. Научу беззако́нныя путе́мъ Твои́мъ, и нечестивіи къ Тебѣ обратятся. Избави мя отъ кровій, Боже, Боже спасенія моего; возрадуется языкъ мой правдѣ Твоей. Господи, устнѣ мои́ отве́рзеши, и уста моя возвестятъ хвалу́ Твою. Яко аще бы восхотѣлъ жертвы, далъ быхъ убо, всесожже́нія не благоволи́ши. Жертва Богу духъ сокрушенъ, сердце сокрушено и смирено, Богъ не уничижи́тъ. Ублажи́, Господи, благоволе́ніем Твоимъ Сіо́на, и да сози́ждутся стѣны Иеросали́мскія. Тогда благоволи́ши жертву правдѣ, возноше́ніе и всесожега́емая. Тогда возложа́тъ на олтарь Твой тельца́.
Киевская псалтирь 1340 50 псалом
Помилуй мя, Божϵ, по вϵли́цϵи милости Твоϵи.По многымъ щедро́тамъ Твоимъ, очисти бϵзаконьϵ моϵ. Наипачϵ омый мя отъ бϵзаконья моϵго, и отъ грѣха моϵго очисти мя. Яко бϵзаконье моϵ азъ знаю, и грѣхъ мой прϵдо мною ϵсть воину. Тобѣ Единому согрѣши́хъ, и лукавоϵ предъ Тобою створи́хъ. Яко да оправди́шися въ словϵсϵх Своихъ, и прϵприши внегда суди́ти ти. Се бо въ бϵззако́ньи зача́тъ ϵсмь, и в грѣ́сѣ́ роди мя мати моя. Се бо истину взлюбилъ ϵси, бϵзвѣстная и тайная прϵмудрости Твоϵи явилъ ми ϵси. Окропи́ши мя иссо́фомъ и очи́щюся, омыϵши мя, и пачϵ снѣга убѣлюся. Слуху моϵму да́си радость и вϵсϵльϵ, вьзра́дуются кости смирϵныя. Отврати́ лицϵ Твоϵ отъ грѣхъ моих, и вся бϵзаконья моя очисти. Сϵрдцϵ чисто сзи́жи во мнѣ Божϵ, и духъ правъ обнови́ в утробѣ моеи. Нϵ отвϵрзи мϵнϵ отъ лица Твоϵго и Духа Святаго Твоϵго нϵ отими́ от мϵнϵ. Вьзда́ижϵ ми радость спасϵнии Твоϵго, и Духомъ Влады́чнымъ утверди́ мя. Научу бϵзако́нныя путϵмъ Твои́мъ, и нϵчтивии къ Тобѣ обратятся. Избави мя отъ кровіи, Божϵ, Божϵ спасенья моϵго; вьзрадуϵтся языкъ мои правдѣ Твоϵи. Господи, устнѣ ми́ отвϵрьжϵши, и уста моя вьзвестятъ хвалу́ Твою. Яко ащϵ бы вьсхотѣлъ жϵртвы, далъ бымъ убо, всясожжϵния нϵ благоволи́ши. Жϵртва Богу духъ сокрушенъ, сердце сокрушено и смирено, Богъ не уничижи́тъ. Ублажи́, Господи, благоволϵнϵϵм Твоимъ Сіо́на, и да сзи́жются стѣны Иеросали́мовы. Тогда благоволи́ши жϵртву правдѣ, вьзноше́нье и всесожϵжϵниϵ. Тогда вьзложа́тъ на олтарь Твои телецъ.
rss-new